لاہور (نمائندہ خصوصی) رہنما پاکستان تحریک انصاف اور سابق وفاقی وزیر اطلاعات و نشریات فواد چودھری نے کہا ہے کہ عمران خان نے ملک بھر میں پناہ گاہیں سرکاری کے بجائے مخیر حضرات کے عطیات سے کھولی تھیں۔
سماجی رابطے کی ویب سائٹ ٹویٹر پر جاری ایک پیغام میں فواد چودھری نے کہا کہ اس وقت 125 پناہ گاہیں فنکشنل ہیں، پناہ گاہوں میں ایک لاکھ سے زائد افراد مفت کھانے کی سہولت سے مستفید ہو رہے ہیں۔
سابق وفاقی وزیر کا مزید کہنا تھا کہ عمران خان نے پناہ گاہیں سرکاری کے بجائے مخیر حضرات کے عطیات سے کھولی تھیں، مخیر حضرات ہی اب تک پناہ گاہوں کا انتظام و انصرام کر رہے ہیں۔
