لاہور (گلف آن لائن ) نگران وزیر اعلیٰ پنجاب محسن نقوی 5 روزہ سرکاری دورے پرچین چلےگئے۔
قائمقام چینی قونصل جنرل نے محسن نقوی کو لاہور ایئر پورٹ سے رخصت کیا، صوبائی وزرا ایس ایم تنویر، عامر میر، سید اظفر علی ناصر، ابراہیم حسن مراد، چیف سیکرٹری اور سیکرٹری خزانہ بھی نگراں وزیرِ اعلی پنجاب کے ہمراہ ہیں۔
دورے کے دوران نگران وزیراعلی پنجاب چین میں بزنس کمیونٹی، سرمایہ کار کمپنیوں کے اعلی حکام اور صنعتکاروں سے ملاقات کریں گے۔
روانگی سے قبل نگران وزیر اعلیٰ محسن نقوی کا کہنا تھا کہ چین کا دورہ پنجاب کے عوام کو مزید بہتر سہولتیں فراہم کرنے کا موقع دے گا، چین نے ہمیشہ مخلص دوست کی طرح ساتھ نبھایا ہے۔
محسن نقوی کا مزید کہنا تھا کہ پوری کوشش ہے دورہ چین کے نتیجہ خیز اور پائیدار نتائج سامنے آئیں۔
