جرمنی (گلف آن لائن) وزیر خارجہ نے کہا کہ جرمنی میں اپنے جرمن ہم منصب کی دعوت پر بہت خوشی ہوئی۔ ہوائی اڈے پر وزیر خارجہ ن شاہ محمود قریشی کا جرمنی میں پاکستانی سفیر ڈاکٹر محمد فیصل ، جرمن وزارت خارجہ کے اعلی عہدیداروں اور سفارتخانے کے سینئر عہدیداروں نے استقبال کیا۔ وزیر تاجروں اور کمیونٹی رہنماؤں سے ملاقاتیں کریں گے۔ انہوں نے کہا کہ ایک لاکھ سے زیادہ پاکستانی جرمنی میں مقیم ہیں اور وہ بہت ہی مثبت کردار ادا کررہے ہیں۔
اقتصادی سفارت کاری اور ٹیکنالوجی کے تبادلے کے میدان میں تعاون بڑھانے کے مقصد کے لئے وہ جرمن قیادت کے ساتھ بات چیت کریں گے۔ انہوں نے کہا کہ وہ اپنے جرمن ہم منصب ہیکو ماس سے علاقائی اور بین الاقوامی امور میں اہم امور پر تبادلہ خیال کریں گے۔ قریشی نے کہا کہ پاکستان جرمنی کے ساتھ پارلیمانی تعلقات کو بڑھانا اور دونوں ممالک کے مابین پہلے سے موجود دوستی کو مزید متحرک کرنا چاہتا ہے۔
