لاہور( گلف آن لائن)صوبائی وزیر قانون راجہ بشارت نے صوبے میں خواتین پر تشدد کے بڑھتے واقعات پر سخت تشویش کا اظہار کرتے ہوئے کہا کہ آئی جی ،پراسیکیوشن گرفتاریوں،چالان اور تفتیش کی مکمل تفصیل دیں۔وزیر قانون راجہ بشارت کی زیر صدارت کابینہ کمیٹی لاء اینڈآرڈر کا82 واں اجلاس ہوا جس میں پنجاب میں خواتین پر تشدد کے بڑھتے واقعات پر سخت تشویش کا اظہار کیا گیا۔
راجہ بشارت نے کہا کہ وزیر اعلی سے لے کر نچلی سطح تک خواتین کیخلاف جرائم پرتشویش ہے، خواتین کیخلاف جرائم میں گرفتاریوں ،تفتیش سے مطمئن نہیں، رپورٹس کے مطابق خواتین کیخلاف جرائم میں اضافہ ہوا ہے۔ایف آئی آر کے اندراج میں انکار یا تاخیر برداشت نہیں کی جائے گی، آئی جی ،پراسیکیوشن گرفتاریوں،چالان ،تفتیش کی مکمل تفصیل دیں، صدر راولپنڈی میں سنگین جرائم کی شرح میں خطرناک اضافہ دیکھا جا رہا ہے ، قصور میں بچوں سے زیادتی کے واقعات پرملزمان کاسخت محاسبہ کریں۔کابینہ کمیٹی لاء اینڈآرڈر کے اجلاس میں صوبہ بھر میں پرائس مجسٹریٹس کی تعیناتی کی منظور ی بھی دی گئی۔
