کراچی (گلف آن لائن)پاکستان کے نامور کامیڈین عمر شریف کے ساتھ ایئر ایمبولینس میں خاندان کے 2 افراد امریکہ روانہ ہوں گے۔عمر شریف کے صاحبزادے جواد شریف نے نجی ٹی وی سے گفتگو کرتے ہوئے کہا کہ والد کی امریکہ منتقلی کیلئے ایئر ایمبولینس جلد کراچی پہنچے گی۔
انہوں نے کہا کہ سندھ حکومت کی جانب سے ایئر ایمبولینس کے اخراجات کی ادائیگی جلد ہونے کی امید ہے۔جواد شریف نے یہ بھی کہا کہ ایئر ایمبولینس میں طبی عملے کے علاوہ خاندان کے 2 افراد روانہ ہوں گے۔
