لاہور(گلف آن لائن) نویں جماعت کے امتحان میں نیا ریکارڈ, لاہور بورڈ میں نویں جماعت کے 103 طلبا نے 100 فیصد نمبرز حاصل کرلئے۔نویں جماعت میں 103 طلبا نے 505/505 نمبرز حاصل کر لیے۔ نویں جماعت کے نتائج میں کامیابی کا تناسب 99.35 فیصد رہا ہے۔ امتحان میں 2 لاکھ 69 ہزار 493 طلبا وطالبات نے شرکت کی۔ کووڈ پالیسی کے تحت لاہور بورڈ نے صرف 4 اختیاری مضامین کے پرچے لییہیں۔
قبل ازیں ڈیرہ غازی خان بورڈ کے 432 طلبا وطالبات نے 1100 نمبر حاصل کر کے ریکارڈ بنا ڈالا تھا۔ لیہ پہلے نمبر ،مظفرگڑھ دوسرے ، ڈیرہ غازی خان تیسرے اور راجن پور چوتھے نمبر پر رہا۔ بورڈ میں 17 ہزار طلبا وطالبات کو 33 فیصد نمبر دے کر پاس کیا گیا تھا۔
