عمران کو مقدم قوم کی خودداری، وہ بضد ہیں کہ قوم ہے بھکاری، عمران خان کا نعرہ لاالہ الاللہ، ان کی صدا امریکا کی یاری،مراد سعید کا شاعرانہ ٹویٹ

اسلام آباد(نمائندہ خصوصی) وفاقی وزیر مراد سعید نے اپوزیشن کو نشانہ بناتے ہوئے شاعرانہ ٹویٹ کردیا جس میں انہوں نے اپوزیشن کو امریکا کی یاری کی صدا لگانے والا قرار دیا۔ تفصیلات کے مطابق وفاقی وزیر مواصلات مراد سعید نے سماجی رابطے کی ویب سائٹ ٹویٹر پر شاعرانہ ٹویٹ کردیا۔ انہوں نے موجود صورتحال پر اپوزیشن کو نسانہ بناتے ہوئے لکھا، عمران کو مقدم قوم کی خودداری، وہ بضد ہیں کہ قوم ہے بھکاری، عمران خان کا نعرہ لاالہ الاللہ، ان کی صدا امریکا کی یاری۔

اس سے قبل انہوں نے سنہ 2018 میں قومی اسمبلی کے اجلاس میں اراکین اسمبلی کے حلف اٹھانے کی ویڈیو شیئر کرتے ہوئے شعر لکھا، خون دل دے کر نکھاریں گے رخ برگ گلاب، ہم نے گلشن کے تحفظ کی قسم کھائی ہے۔