لاہور( گلف آن لائن)سابق گورنر پنجاب عمر سرفراز چیمہ نے کہا ہے کہ پنجاب میں (ن)لیگ نے پانچ بڑی وارداتیں کی ہیں۔ٹوئٹر پر جاری اپنے بیان میں عمر سرفراز چیمہ نے کہا کہ (ن)لیگ نے وزیراعلی کے غیر آئینی استعفے کو جانتے بوجھتے چھپایا اور جھوٹ بول کر غیرآئینی عدالتی فیصلے کروائے۔
انہوں نے کہا کہ (ن)لیگ نے جعلی الیکشن کے ذریعے خود ساختہ وزیراعلی بنایا اور اس غیر آئینی وزیراعلی کو جعلی حلف دلوایا۔(ن)لیگ نے آئینی وزیراعلی کے دفتر اورسائل پر ناجائز قبضہ کیا ہے۔
