لاہور ( گلف آن لائن) سکول ایجوکیشن ڈیپارٹمنٹ نے موسم سرما کی چھٹیاں مزید نہ بڑھانے کا حتمی فیصلہ کر لیا ،لاہور سمیت صوبے بھر میں تعلیمی ادارے 9 جنوری سے ہی کھلیں گے۔تفصیلات کے مطابق سکول ایجوکیشن ڈیپارٹمنٹ نے چھٹیوں کے معاملہ پر مشاورت مکمل کرلی ہے اور موسم سرما کی چھٹیاں مزید نہ بڑھانے کا حتمی فیصلہ کرلیا گیا۔سکول ایجوکیشن ڈیپارٹمنٹ کی مطابق بچوں کے امتحانات کے باعث سکولوں میں چھٹیاں بڑھانا درست نہیں،تاہم تعلیمی ادارے 9 جنوری سے ہی کھلیں گے۔
تعلیمی ادارے پیر سے کھولنے کے حوالے سے تمام ایجوکیشن اتھارٹیز کو ہدایات بھی جاری کردی گئی ہیں۔اس سے قبل والدین کی جانب سے درخواست کی جا رہی تھی کہ شدید سرد موسم کے باعث تعطیلات میں اضافہ کیا جائے اور اس حوالے سے تعطیلات ایک ہفتہ بڑھانے کی تجویز بھی سامنے آئی تھی۔
