اسلام آباد (گلف آن لائن)مسلم لیگ (ن) پنجاب کے صدر و وفاقی وزیر داخلہ رانا ثنا اللہ خان نے ہدایت کی ہے کہ تمام علاقائی تنظیمیں صوبائی حلقوں میں بہترین،قابل اور عوام دوست امیدواروں کے کاغذات نامزدگی جمع کرانے کو یقینی بنائیں،(ن)لیگ عوام میں جانے کیلئے ہمہ وقت تیار ہے، فتنہ خان کو ووٹ کی طاقت سے مائنس کریں گے۔تفصیلات کے مطابق مسلم لیگ (ن) پنجاب کے صدر رانا ثنا اللہ خان نے پارٹی کے تمام ڈویژنل اور ڈسٹرکٹ تنظیموں کو ہدایت کی ہے کہ وہ صوبائی حلقوں میں بہترین، قابل اور عوام دوست امیدواروں کے کاغذات نامزدگی جمع کرانے کو یقینی بنائیں۔
انہوں نے کہا کہ کاغذات نامزدگی کا مرحلہ مکمل ہوتے ہی 15 مارچ سے پارلیمانی بورڈ موزوں امیدواروں کو ٹکٹ جاری کرے گا۔انہوں نے کہا کہ پارٹی ٹکٹ کے امیدوار اپنی درخواستیں پارٹی آفس میں جمع کرائیں۔ انہوںنے کہا کہ تمام علاقائی تنظیمیں عوامی رابطہ مہم کو مزید فعال بنائیں،مقبول جماعت ہونے کی وجہ سے مسلم لیگ (ن )عوام میں جانے کیلئے ہمہ وقت تیار ہے۔انہوں نے کہا کہ فتنہ خان کو ووٹ کی طاقت سے مائنس کریں گے۔
