اسلام آباد(گلف آن لائن)وزیراعظم شہباز شریف کے خصوصی رمضان پیکج کے تحت 9 شہروں میں مفت آٹے کی تقسیم کے اعدادوشمار جاری کردیئے جس کے مطابق پنجاب کے 9 شہروں میں اب تک 3 کروڑ 67 لاکھ 38 ہزار 758 مفت آٹے کے تھیلے تقسیم ہو چکے ہیں ،9 شہروں میں لاہور، راولپنڈی ، گوجرانولہ ، بہاولپور ، سرگودھا، ملتان ، فیصل آباد ، ڈیرہ غازی خان اور ساہیوال شامل ہیں ،9 شہروں میں آٹے کی تقسیم میں لاہور سب سے آگے ہے۔
اعدادوشمار کے مطابق کمشنر لاہور علی رندھاوا کی نگرانی میں اب تک 55 لاکھ 69 ہزار 996 مفت آٹے کے تھیلے تقسیم ہو چکے ہیں۔ اعدادو شمار کے مطابق دوسرے نمبر پر بہاولپور میں 48 لاکھ 59 ہزار 825 اور تیسرے نمبر پر ملتان میں 48 لاکھ 50 ہزار 571 تھیلے تقسیم ہوئے ،ڈیرہ غازی خان میں 48 لاکھ 48 ہزار 637 اور فیصل آباد میں 44 لاکھ 3 ہزار 182 مفت آٹے کے تھیلے تقسیم ہو چکے ہیں ۔ اعدادو شمار کے مطابق سرگودھا میں 36 لاکھ 4 ہزار 286 اور گوجرانوالہ میں 36 لاکھ 3 ہزار 644 مفت آٹے کے تھیلے تقسیم ہوئے ،ساہیوال میں 26 لاکھ 90 ہزار 58 اور راولپنڈی میں 23 لاکھ 8 ہزار 559 آٹے کے مفت تھیلے تقسیم ہو چکے ہیں۔
