واشنگٹن (گلف آن لائن)امریکا کے صدر جوبائیڈن اور ان کی اہلیہ جِل بائیڈن سمیت دیگر اعلیٰ شخصیات کی آمدن اور ٹیکس تفصیلات جاری کردی گئیں۔غیرملکی میڈیا کے مطابق جوبائیڈن اور ان کی اہلیہ جِل بائیڈن کے ٹیکس گوشواروں سے معلوم ہوتا ہے کہ دونوں نے گزشتہ سال 5 لاکھ 79 ہزار 514 ڈالرز کمائے۔رپورٹس کے مطابق اس رقم میں زیادہ تر حصہ جوبائیڈن کی بطور صدارتی تنخواہ کا تھا جو کہ سالانہ 4 لاکھ ڈالرز بنتی ہے جبکہ جِل بائیڈن نے 82 ہزار 335 ڈالرز بطور تنخواہ کمائے کیونکہ وہ ناردرن ورجینیا کمیونٹی کالج میں پڑھاتی ہیں۔
غیرملکی میڈیا کے مطابق امریکی صدر اور ان کی اہلیہ نے 2022 میں تقریباً 1 لاکھ 70 ہزار ڈالر ٹیکس ادا کیا۔وائٹ ہائوس کا کہنا ہے کہ جوبائیڈن نے اپنے 25 سال کے ٹیکس گوشوارے ظاہر کردیے۔غیرملکی میڈیا کے مطابق امریکی نائب صدر کملا ہیر س اور ان کے شوہر نے ٹیکس گوشواروں میں مجموعی آمدنی 4 لاکھ 56 ہزار 918 ڈالرز ظاہر کی۔کملا ہیر س اور ان کے شوہر نے 93 ہزار 570 ڈالرز فیڈرل انکم ٹیکس دیا اور 17 ہزار 612 ڈالرز انکم ٹیکس بھی دیا۔
