لاہور( گلف آن لائن)سینئر اداکارہ بشریٰ انصاری نے کہا ہے کہ لڑکے کھڑے ہوں اور واضح کہیں ہم نے جہیز نہیں لینا ، ایک خاندان اپنے دل کا ٹکڑا آپ کو دے دیتا ہے کیا اس کے ساتھ جہیز کا تقاضہ کرنا جائز ہے ۔ ایک انٹر ویو میں بشریٰ انصاری نے کہا کہ میں خاندان والوں کی بجائے لڑکوں سے مخاطب ہوں آپ کہیں ہم نے جہیز نہیں لینا ۔
اس لڑکی نے آپ کی نسل چلائے گی اور اس کے ساتھ آپ اس کے والدین سے جہیز لے رہے ہیں یہ شرم کی بات ہے ۔ انہوں نے کہا کہ لڑکوں کو اس کے لئے کھڑا ہونا چاہیے ، اس میں وہ بڑے با عزت لگیں گے ، اس کی بیوی اور سسرال والے ساری زندگی اس کی عزت کریں گے۔
