کراچی(گلف آن لائن) امریکی کرکٹ لیگ میں حارث رؤف اور شاداب خان نے سان فرانسسکو یونکورنز سے معاہدہ کرلیا۔
میجر لیگ کرکٹ میں پاکستانی فاسٹ بولر حارث رؤف اور آل راؤنڈر شاداب خان بھی سان فرانسسکو یونکورنز کا حصہ بنیں گے، ایم ایل سی کا اولین ایڈیشن رواں برس 13 سے 30 جولائی تک ڈیلاس میں شیڈول ہے، ایونٹ میں 6 ٹیمیں شریک ہوں گی۔
حارث رؤف اور شاداب خان کو دورہ سری لنکا کے لیے قومی ٹیسٹ اسکواڈ میں منتخب نہیں کیا گیا، امکان ہے کہ دونوں کو پی سی بی سے ایونٹ کے لیے این او سی مل پائے گا۔گزشتہ ماہ عماد وسیم اور اعظم خان کے سیاٹل اورکاس میں جانے کی بھی اطلاعات سامنے آئی تھیں۔
