کراچی( گلف آن لائن)کریسنٹ آرٹ گیلری کے چیئرمین ناصر جاوید اور سی ای او سمیر ناصر نے گورنر سندھ کامران ٹیسوری سے گورنر ہائوس میں ملاقات کی اور آرٹ و کلچر سمیت مختلف امور پر تبادلہ خیال کیا۔
اس موقع پر کامران ٹیسوری نے گفتگو کرتے ہوئے کہا کہ ملک کا آرٹ و کلچر دنیا بھر میں منفرد و نمایاں ہے آرٹ و کلچر کی ترقی کیلئے بھرپور اقدامات کیئے جائیں گے کریسنٹ اس سلسلے میں اپنا موثر کردار ادا کررہی ہے ایگزیبیشن و دیگر امور میں ہر ممکن تعاون کیا جائیگا ۔
ناصر جاوید نے گفتگو کرتے ہوئے کہا کہ آرٹ و کلچر کے فروغ کیلئے پاکستان سمیت کینڈا ۔ یوکے و دیگر ممالک میں تواتر کے ساتھ آرٹ شو منعقد کیئے جاتے ہیں طلباء کی حوصلہ افزائی اور ان کی صلاحیتوں میں اضافے کیلئے آرٹ کمپیٹیشن ، ایگزیبیشن ، ورکشاپ اور سیمینارز کا بھی انعقاد کیا جاتاہے محدود وسائل کے باوجود آرٹ کی ترویج کیلئے کوشاں ہیں ۔
انہوں نے کہا کہ ملک میں آرٹ کا شعور اجاگر کرنے کی ضرورت ہے ۔علاوہ ازیں ناصرجاوید اور سمیر ناصر نے گورنر کامران ٹیسوری کو پینٹنگ بھی پیش کی۔
