لاہور (گلف آن لائن)پاکستان کرکٹ بورڈ (پی سی بی)نے ہاسپٹلیٹی باکس اور مفت ٹکٹس دینے کا سلسلہ بند کر دیا۔
ذرائع کے مطابق، پی سی بی نے وی آئی پی اور ہاسپٹلیٹی باکس کے ٹکٹ بھی فروخت کرنے کے احکامات جاری کردئیے ہیں اور پاکستان سپر لیگ سیزن 9 کے تمام میچز کے لیے بھی انتظامیہ کو مفت ٹکٹس دینے سے روک دیا ہے۔
ذرائع کے مطابق پی ایس ایل کے دوران قذافی اسٹیڈیم میں اسپیشل باکسز ختم کردیے گئے ہیں اور اسپیشل باکسز کے ٹکٹس فروخت کیے جائیں گے۔ذرائع کے مطابق، پی سی بی نے رواں سیزن میں سیکیورٹی اور انتظامی امور کی مد میں 25 کروڑ روپے بچا لیے ہیں۔
ذرائع نے بتایا کہ قذافی اسٹیڈیم میں چئیرمین آفس کی تزئین و آرائش کا شروع کیا گیا ہے جس کے اخراجات نگراں وزیرِ اعلی پنجاب محسن نقوی خود اٹھائیں گے۔
