اسلام آباد(نمائندہ خصو صی)پاکستان مسلم لیگ (ن)کے رہنما و سابق وزیراعلیٰ پنجاب حمزہ شہباز نے کہا ہے کہ 9مئی کو ملک جلانے والے اب معیشت کو آگ لگانا چاہتے ہیں۔
جمعرات کوپارلیمنٹ ہائوس آمد کے موقع پر گفتگو کرتے ہوئے رہنما مسلم لیگ (ن) حمزہ شہباز نے کہاکہ جمہوریت جیت چکی ہے،جمہوریت کی راہ میں روڑے اٹکانے والے ناکام ہوگئے ہیں۔
انہوں نے کہا کہ جنہوں نے 9مئی کو ملک میں آگ لگائی اب وہ معیشت کو آگ لگانے کی کوشش کر رہے ہیں، ان کی یہ کوشش بھی ناکام ہوگی، پہلے بھی قومی اسمبلی کا ممبر رہ چکا ہوں، ملک اور قوم کی خدمت کریں گے۔
