کراچی (گلف آن لائن)قومی ویمن کرکٹ ٹیم کی آل رائونڈر عالیہ ریاض نے کہا ہے کہ دوسرے ون ڈے میں کم بیک کرنے کی کوشش کریں گے۔
ایک انٹرویومیں عالیہ ریاض نے کہا کہ پہلے ون ڈے میں بیٹرز کی لمبی پاٹرنرشپ نہیں لگی جس کی کمی محسوس ہوئی،جو بیٹرز بھی جارہی تھیں وہ جلد آٹ ہورہی تھیں، اب کوشش کریں گے کہ پہلے ون ڈے میں جو غلطیاں کیں ان کو نہ دہرائیں۔
انہوں نے کہا کہ دوسرے ون ڈے میں کم بیک کرنے کی کوشش کریں گے، دوسرے ون ڈے میں کوشش ہوگی چھوٹی پارٹنرشپ کو لمبی شراکت میں تبدیل کریں۔عالیہ ریاض نے کہا کہ پہلے ون ڈے میں بولرز نے ابتدا میں اچھی بولنگ کی تھی لیکن آخری اوور میں اچھی بولنگ نہیں کی اور فیلڈرز نے بھی سپورٹ نہیں کیا، تمام بولرز کو پلان دیا گیا ہے کہ مخالف ٹیم کو کم سے کم اسکور پر آئوٹ کریں۔
واضح رہے کہ ویسٹ انڈیز ویمنز نے پہلے ون ڈے میں پاکستان ویمنز کو 113 رنز کے بھاری مارجن سے شکست دے کر 3 میچز پر مشتمل سیریز میں ایک صفر کی برتری حاصل کرلی تھی۔ویسٹ انڈیز ویمنز کے 270 رنز کے ہدف کے تعاقب میں پاکستان ویمنز ٹیم 156 رنز پر آئوٹ ہوگئی تھی۔
