لاہور (نمائندہ خصوصی) معروف اداکارہ و میزبان وینا ملک سوشل میڈیا پر وائرل اپنی ایک ویڈیو کے سبب شدید تنقید کی زد میں آگئیں۔شادی اور پھر طلاق کے بعد اسکرین سے دور رہنے والی اداکارہ ان دنوں نجی چینل کے لیے ٹریول شو کی میزبانی کر رہی ہیں۔
اداکارہ و میزبان کے مذکورہ پروگرام کی حالیہ قسط سے ایک مختصر ویڈیو کلپ سوشل میڈیا پر وائرل ہو رہا ہے، جس میں انہیں ہنزہ کے مختلف علاقوں کی سیر کرتے ہوئے دیکھا جاسکتا ہے۔تاہم سوشل میڈیا پر وائرل ویڈیو میں وینا ملک ہنزہ کے مشہور حسینی سسپنشن برج پر موجود ہیں اسے پار کرنے کی کوشش کر رہی ہیں کہ اچانک پیر پھسلنے سے گر جاتی ہیں اور سخت جدو جہد کے بعد دوبارہ کھڑے ہونے اور پل پر کرنے میں کامیاب ہوتی ہیں۔
مذکورہ ویڈیو کلپ سوشل میڈیا کی زینت بننے کے بعد صارفین نے سخت تنقید کرتے ہوئے کہا وینا ملک اچانک سے نہیں گریں بلکہ یہ سب پہلے سے طے تھا۔ بعض صارفین کے مطابق اداکارہ اوور ایکٹنگ کر رہی ہیں۔ یہ ویوز حاصل کرنے کا سستا طریقہ ہے، چاہتے تو ایڈیٹ بھی کر سکتے تھے، لیکن ویوز کے لیے ان مناظر کو پروگرام میں شامل کیا گیا۔
