ویمن ایشیاء کپ میں پہلا میچ ہی بھارت کے خلاف ہے، ندا ڈار

اسلا م آباد (نمائندہ خصوصی)پاکستان ویمن ٹیم کی کپتان ندا ڈار نے کہا ہے کہ ویمن ایشیاء کپ میں پہلا میچ ہی بھارت کے خلاف ہے۔ایک انٹرویو میں انہوں نے کہا کہ بھارت کے خلاف تمام کھلاڑی جذباتی ہو کر کھیلتے ہیں، بھارت کو ہرا چکے ہیں اس بار بھی ایشیاء کپ کا آغاز کامیابی سے کریں گے۔

ندا ڈار نے کہا کہ چاہتی ہوں میری کپتانی میں ایشیاء کپ یا ورلڈ کپ ٹرافی جیتیں، اسپن، فاسٹ بولر اور بیٹنگ کے الگ الگ کوچز ہیں جس کا فائدہ ہو گا۔انہوں نے کہا کہ مراعات بڑھتی ہیں تو اعتماد ملتا ہے، پاکستان میں ویمن کرکٹ کو اور اوپر جانے میں وقت لگے گا۔ندا ڈار نے کہا کہ وہ وقت بھی دیکھا جب کرکٹ میں لڑکیاں نہیں تھیں، اب لڑکیاں آ رہی ہیں اور ڈومیسٹک کرکٹ ہو رہی ہے۔