کراچی (گلف آن لائن)پاکستان پیپلز پارٹی کے چیئرمین بلاول بھٹو زرداری نے پاکستان سمیت دنیا بھر میں آباد ہندو برادری کو دیوالی کی مبارکباد اور نیک خواہشات کا اظہار کرتے ہوئے کہاہے کہ دیوالی کا تہوار برائی پر اچھائی کی فتح کی علامت ہے،ملک میں اندھیروں، ناانصافیوں اور عدم مساوات کے خلاف لڑنا ہی پی پی پی کا فلسفہ ہے۔
اپنے بیان میں پی پی پی چیئرمین کی جانب سے پاکستان سمیت دنیا بھر میں آباد ہندو برادری کو دیوالی کی مبارکباد اور نیک خواہشات کا اظہار کیا گیا ۔ انہوںنے کہاکہ دیوالی کا تہوار برائی پر اچھائی کی فتح کی علامت ہے۔ انہوںنے کہاکہ دیوالی کا پیغام یہ ہے کہ برائی کتنی ہی طاقتور کیوں نہ ہو، اٹل ارادے اور جہدِ مسلسل کے ہاتھوں شکست ہی اس کا مقدر ہے،ملک میں اندھیروں، ناانصافیوں اور عدم مساوات کے خلاف لڑنا ہی پی پی پی کا فلسفہ ہے۔
بلاول بھٹو زرداری نے کہاکہ قائدِ عوام، شہید محترمہ بینظیر بھٹو اور سابق صدر آصف زرداری نے اقلیتی برادری کی بہبود کیلئے اقدام اٹھائے۔ انہوںنے کہاکہ پی پی پی کی آئندہ حکومت ملک میں اقلیتوں کی ترقی، ان کے حقوق کے تحفظ کیلئے مزید اقدام اٹھائے گی۔ انہوںنے کہاکہ ملک میں بین المذاہب ہم آہنگی کو فروغ دینے کیلئے بھی اقدام اٹھائے گی۔ انہوںنے کہاکہ ہندو برادری آج دیوالی پر پاکستان کی سلامتی اور خوشحالی کیلئے دعائیں مانگیں۔
