اسلام آباد (گلف آن لائن)وفاقی وزیر اطلاعات چوہدری فواد حسین نے کہا ہے کہ شاہد خاقان اور محمد زبیر کے بیانات نے (ن )لیگ کے اندر کی تقسیم کو مزید واضح کیا ہے۔ اپنے بیان میں وزیر اطلاعات نے کہاکہ شاہد خاقان اور محمد زبیر کے بیانات نے (ن )لیگ کے اندر کی تقسیم کو مزید واضح کیا ہے۔انہوںنے کہاکہ ان خاندانوں نے ملک کی تباہی نکال دی اب کارما دیکھ رہے ہیں۔
چوہدری فواد حسین نے کہاکہ نون لیگ میں اب نئی قیادت سامنے آ جائے گی جو اچھی بات ہے پیپلز پارٹی کو بھی زرداری سے آگے نکلنا چاہئے۔ وفاقی وزیر اطلاعات نے کہاکہ اس مہینے خیبرپختونخواہ اور اگلے چند ماہ میں پنجاب میں طاقتور مقامی حکومتوں کے انتخابات حکومت کا اعتماد ظاہر کرتے ہیں۔ چوہدری فواد حسین نے کہاکہ پیپلز پارٹی اور نون لیگ کے پی میں امیدوار بھی کھڑے نہیں کر سکیں یہی حالت پنجاب میں ہوگی۔ وفاقی وزیر نے کہاکہ صرف ایک دو ٹی وی آپ کی عملی طور پر مردہ سیاست کو زندہ رکھنے کی سعی کر رہے ہیں۔
