لاہور(گلف آن لائن)وزیر اعظم شہباز شریف نے تحریک انصاف کے چیئرمین عمران خان کو فول پروف سکیورٹی فراہم کرنے کی ہدایت کر دی۔وزارت داخلہ کی جانب سے وزیر اعظم شہباز شریف کو عمران خان کی سکیورٹی کے حوالے سے تفصیلی بریفنگ دی گئی۔
وزیر اعظم شہباز شریف نے وفاقی وزیر داخلہ رانا ثنا اللہ کو سابق وزیر اعظم کو ہر حوالے سے بہترین سکیورٹی فراہم کرنے کی ہدایت کی ۔ وزیر اعظم نے عمران خان کو فوری طور پر چیف سکیورٹی آفیسر فراہم کرنے کی بھی ہدایت کی ۔انہوں نے مزید کہا کہ تمام صوبائی حکومتوں کو بھی عمران خان کو جلسے جلوسوں کے دوران سکیورٹی فراہم کرنے کی ہدایت کی جائے۔
