بیجنگ (نمائندہ خصوصی) چین میں “عوام کے مطمئن سرکاری ملازمین” اور “عوام کےمطمئن سرکاری ملازمین کے گروپ” کے لیے قومی تعریفی کانفرنس بیجنگ میں منعقد ہوئی۔ منگل کے روز چینی میڈ یا کے مطا بق چینی صدر شی جن پھنگ نے قابل ستائش مندوبین سے ملاقات کی، انہیں مخلصانہ مبارکباد پیش کی اور انہیں اپنے مشن اور ذمہ داریوں کو ذہن میں رکھتے ہوئےبہادری سے کام کرنےپر ان کی حوصلہ افزائی کی۔
تعریفی کانفرنس میں ” کمیونسٹ پارٹی آف چائنا کی مرکزی کمیٹی اور چینی ریاستی کونسل کا قومی “عوام کے مطمئن سرکاری ملازمین ” اور “عوام کے مطمئن سرکاری ملازمین کے گروپ ” کو سراہنے کےفیصلے کا اعلان کیا گیا ہے۔
فیصلے میں اس بات کی نشاندہی کی گئی کہ کمیونسٹ پارٹی آف چائنا کی 20ویں قومی کانگریس کی آمد کے موقع پر، جدید ماڈلز کو سراہنے اور سرکاری ملازمین اور سرکاری ملازمین کے گروپس کو نئے عہد میں آگے بڑھنے کی حوصلہ افزائی کے لیے، پارٹی کی مرکزی کمیٹی اور ریاستی کونسل نے 397 افراد کو ملک بھر میں “عوام کے مطمئن سرکاری ملازمین” اور ” 198 گروپس کو “عوام کے مطمئن سرکاری ملازمین کے گروپ” کے اعزازات سے نوازا گیا۔
