لاہور (گلف آن لائن)پاکستان سپر لیگ کے آٹھویں سیزن کے دوران پاکستان ویمن لیگ کے لیے آزمائشی میچز کرانے کی منصوبہ بندی شروع کر دی گئی ۔ ذرائع کے مطابق ٹیسٹ رن کے طور پر 5 میچز کروائے جا سکتے ہیں جس میں لاہور قلندرز اور کراچی کنگز سمیت 3 فرنچائزز ٹیسٹ رن کیلئے ویمن ٹیمیں بنائی جائیں گی، ٹیسٹ رن کے لیے فرنچائزز میچز کے اخراجات برداشت کریں گی۔
ذرائع کے مطابق 5 ٹیسٹ رن میچوں کے تجربے کی روشنی میں اس سال ستمبر، اکتوبر میں پاکستان ویمنز لیگ کرائے جانے کی تجویز دی گئی ہے، پاکستان ویمنز لیگ ابتدائی طور پر 4 سے 6 ٹیموں پر مشتمل ہوگی اور ٹیموں کو بھی اوپن بڈنگ کے ذریعے فروخت کیا جائے گا۔