اسلام آباد(گلف آن لائن) پاکستان پیپلز پارٹی کی سینیٹر شیری رحمن نے کہا ہے کہ عمران خان کے انتشار، الزام تراشی اور نفرت کے’وڑن’ سے قوم خوب واقف ہے۔سماجی رابطے کی ویب سائٹ ٹوئٹر پر جاری کیے گئے بیان میں شیری حمٰن نے کہا کہ آپ کے انتشار، گالم گلوچ، الزام تراشی، نفرت اور تقسیم کے وژن سے قوم خوب واقف ہے۔انہوں نے کہا کہ آج ملک میں جو بحران اور طوفان بدتمیزی برپا ہے وہ آپ ہی کے وژن کے بدولت ہے،
آئین کی خلاف ورزی، عدالت اور قانون کی توہین ہی آپ کا وژن اور سیاست ہے۔شیری رحمن نے کہا کہ گرفتاری سے بچنے کے لیے ریاست اور عدالت کی رٹ کو چیلنج کر کے آپ جلسوں میں حقیقی آزادی کے نعرے لگا رہے ہیں۔پیپلز پارٹی کی سینیٹر شیری نے کہا کہ آپ امریکی لابنگ کمپنیوں سے معاہدے کر کے کس منہ سے امریکی غلامی اور حقیقی آزادی کے لیکچر دے رہے؟ جلسہ بے شک کریں لیکن انتشار اور تقسیم کو ہوا نہ دیں۔
