ڈسکہ(گلف آن لائن) ملک کے مختلف شہروں میں چینی 180سے 200روپے کلو میں فروخت ہو رہی ہے۔وفاقی ادارہ شماریات کے اعدادو شمار کے مطابق رواں ہفتے میں مختلف شہروں میں چینی 180سے 200روپے کلو میں فروخت ہوئی۔
ادھر ڈسکہ میں چینی کی قیمت میں 14 روپے کمی میں آئی لیکن پرچون کی دکانوں سے چینی غائب ہو گئی، روزانہ کی بنیاد پر چینی خریدنے والے صارفین چینی کے حصول کیلیے دن بھر پھرتے رہے۔
حکام کی جانب سے چینی ذخیرہ اندوزوں اور اسمگلرز کے خلاف سخت کارروائی کے کے نتیجہ میں چینی کی قیمت کو ریورس گیئر لگ گیا۔ چینی کے ایکس ملز ریٹ میں14 روپے فی کلو تک کمی سے ریٹ16 ہزار100 روپے فی 100 کلو پر اگیا۔
چند روز قبل چینی ایکس ملز ریٹ 17 ہزار 500 روپے فی 100 کلو تک پہنچ گیا تھا اور چینی کے مستقبل کے سودے 18 ہزار روپے فی 100 کلو ہو رہے تھے لیکن چینی نرخ میں کمی کے بعد مستقبل کے سودے بھی غیر یقینی کا شکار ہو گئے۔ پر چون مارکیٹ میں چینی کا کم ہو کر 180 روپے فی کلو تک آگیا۔
