اسلام آباد (نمائندہ خصوصی)جمعیت علمائے اسلام ف کے رہنما حافظ حمد اللّٰہ نے کہا ہے کہ ریاستی ادارے، نگراں حکومت اور الیکشن کمیشن مولانا فضل الرحمن کے تحفظات کو سنجیدگی سے لیں۔
ایک انٹرویومیں حافظ حمد اللّٰہ نے کہا کہ مولانا فضل الرحمن بار بار سیکیورٹی خطرات، بیامنی اور موسم کی بات کر رہے ہیں۔انہوں نے کہا کہ موسم سرما میں بالائی علاقوں سے لوگ شہری علاقوں میں آتے ہیں، بیامنی، سیکیورٹی خطرات ہوں، لوگ گھروں سے نہ نکل سکیں تو ووٹ سے محروم ہوتے ہیں۔
حافظ حمد اللّٰہ نے کہا کہ الیکشن سے متعلق سوالات اٹھیں تو بہتر ہے پْرامن ماحول دیں، 8 فروری کو الیکشن سپریم کورٹ کا فیصلہ ہے۔جے یو آئی کے رہنما نے کہا کہ مولانا فضل الرحمن کا مطالبہ ہے ووٹر، شہریوں، جے یو آئی قیادت کو سیکیورٹی دیں، اگر اس بات کو ملک کی بڑی سیاسی جماعتیں سنجیدہ نہیں لیتیں تو ان سے پوچھیں۔
انہوںنے کہا کہ اگر خدانخواستہ کچھ ہوتا ہے تو مسلم ن لیگ اور پیپلز پارٹی کی قیادت سوال کریں گے۔
