لاہور ( گلف آن لائن) فلمسٹار ثناء نے کہا ہے کہ ٹی وی اور فلم دیکھنے والے لوگوں کا عام طور پر یہ تصور ہوتا ہے کہ شوبز سے تعلق رکھنے والے لوگ بڑی آسان زندگی بسر کرتے ہیں،عام لوگوں کے برعکس شوبز کی دنیا سے وابستہ لوگوں کے مسائل زیادہ اور بڑے ہوتے ہیں۔
ایک انٹر ویو میں انہوں نے کہا کہ بچوں کی پیدائش کے بعد زندگی کی معمول بالکل تبدیل ہو جاتی ہے ، شروع میں ان کی چھوٹی چھوٹی بات کا خیال رکھنا پڑتا ہے اور جب وہ سکول جانے کے قابل ہو جاتے ہیں تو تب بھی ان کی تعلیم کے حوالے سے تمام معاملات پر بھرپور توجہ دینے پڑتی ہے ۔
بچوں کی تعلیم و تربیت کے ساتھ ساتھ اپنے پراجیکٹ کو ٹائم دینا آسان نہیں ہوتا اور ہمیں بہت کمپرو مائز کرنا پڑتا ہے ۔ ثناء نے ایک سوال کے جواب میں کہا کہ میں اپنی فٹنس پر بھرپور توجہ دیتی ہوں اور میری دیکھا دیکھی شوبز سے وابستہ کئی اور اداکارائوں نے بھی خود کو فٹ رکھنے کے لئے جم کو جوائن کیا جو کہ ایک مثبت رجحان ہے اور میرے خیال سے ہر شخص کو خود کو فٹ رکھنے کے لئے روزانہ ایکسر سائز کو اپنا معمول بنانا چاہیے۔
