لاہور(نمائندہ خصوصی)پاکستان مسلم لیگ (ن) کے صدر سابق وزیر اعظم شہباز شریف نے واضح کیا ہے کہ 8 فروری محض ووٹ کے جمہوری حق کے استعمال کا دِن نہیں بلکہ یہ قومی نصب العین کی تیاری کا دِن ہے۔
سوشل میڈیا پر جاری اپنے ایک بیان میں شہباز شریف نے کہا کہ 8 فروری 2024 پاکستان کے لیے معاشی بحالی، قوم کے اتحاد، نفرتوں کے خاتمے، تعلیم، صحت، روزگارکی فراہمی اور نوجوانوں کو روشن مستقبل دینے کے لیے ایک بار پھر مل کر کام کرنے کا عہد کرنے کا دِن ہے۔
انہوںنے کہا کہ آئیں نفرتیں مٹا کر پاکستان کے لیے، عوام کے روزگار کے لیے، سستی بجلی اور گیس کے لیے، مہنگائی میں کمی کے لیے، ترقی اور خوشحالی کے لیے ایک ہوجائیں، پاکستان کا مستقبل روشن بنائیں۔
انہوںنے کہا کہ 8 فروری 2024 کے انتخاب کا دِن محض ووٹ کے جمہوری حق کے استعمال کا دِن نہیں ہے، بلکہ یہ قومی نصب العین کی تیاری کا دِن ہے۔
