لاہور (نمائندہ خصوصی ) رہنما مسلم لیگ(ن)اور سابق وزیر خواجہ سعد رفیق نے کہا ہے کہ وزیر اعلی کے پی کی جانب سے اسلام آباد پر دھاوے کی دھمکی نہایت سنگین معاملہ ہے۔
سماجی رابطے کی ویب سائٹ ایکس(سابق ٹوئٹر)پر خواجہ سعد رفیق نے کہا ہے کہ اسلام آباد پر قبضے کیلئے پی ٹی آئی کی خیبرپختونخوا حکومت ماضی میں بھی وفاق پر حملے کرتی رہی، نتیجہ انتشار، نفرت اور معاشی تباہی میں بڑھاوے کے سوا کچھ نہ نکلا۔ انہوں نے کہا کہ انتشاری اس بار بھی اسلام آباد پر چڑھائی اور قبضہ کرنے آئے تو بطور حکمران واپس جانا ناممکن ہو جائے گا۔
لیگی رہنما کا کہنا تھا کہ گھیراو جلاو اور مار دھاڑ کی گندی سیاست چل سکتی ہے نہ فاشسٹ رویہ برداشت کیا جائے گا، نیا 9 مئی کرنے کے بجائے اپنی لمبی زبانیں اور ہاتھ پاوں لپیٹ کر عقل کا استعمال کرو۔
