اسلام آباد (گلف آن لائن)اسلام آباد کی انسدادِ دہشت گردی کی عدالت نے تھانہ رمنا میں درج 2، تھانہ گولڑہ میں درج ایک مقدمے میں چیئرمین پی ٹی آئی کے قابلِ ضمانت وارنٹِ گرفتاری جاری کر دئیے۔اسلام آباد کی انسدادِ دہشت گردی کی عدالت نے چیئرمین پی ٹی آئی اور دیگر کیخلاف تھانہ رمنا میں درج 2، تھانہ گولڑہ میں درج 1 مقدمے کی سماعت کی۔
دورانِ سماعت چیئرمین پی ٹی آئی کی جانب سے تھانہ رمنا میں درج مقدمات میں حاضری سے استثنیٰ کی درخواست دائر کی گئی۔ان کے وکیل سردار مصروف خان نے عدالت کو بتایا کہ چیئرمین پی ٹی آئی نے لاہور ہائی کورٹ میں پیش ہونا ہے، جس کے باعث وہ اسلام آباد کی عدالت میں پیش نہیں ہو سکتے۔
ایٹی سی کے جج ابوالحسنات نے ریمارکس میں کہا کہ چیئرمین پی ٹی آئی کو عدالت میں پیش ہونا پڑے گا۔اے ٹی سی نے چیئرمین پی ٹی آئی سمیت دیگر ملزمان کو ذاتی حیثیت میں 19 جولائی کو بلا لیا۔عدالت نے جوڈیشل کمپلیکس حملہ کیس میں فرخ حبیب، شبلی فراز اور حسان نیازی کے بھی وارنٹ جاری کر دئیے۔
