نئی دہلی (گلف آن لائن)بھارتی کرکٹ بورڈ کے سیکریٹری جے شاہ نے میگا ایونٹ میں ٹی ٹوئنٹی ورلڈ کپ کے کپتان اور نائب کپتان کا اعلان کر دیا ہے۔
بھارتی میڈیا رپورٹس کے مطابق بی سی سی آئی کے سیکرٹری جے شاہ نے بتایا کہ رواں سال جون میں ہونے والے ٹی ٹوئنٹی ورلڈ کپ میں بھارت کی قیادت روہت شرما کریں گے جبکہ ہاردک پانڈیا نائب کپتان ہوں گے۔میڈیا سے گفتگو کرتے ہوئے جے شاہ نے بتایا کہ تمام فارمیٹس میں بھارت کی کپتانی روہت شرما کریں گے۔
انہوں نے بتایا کہ یہ فیصلہ جنوری میں آسٹریلیا کے خلاف ٹی ٹوئنٹی سیریز کے لیے روہت شرما اور ویرات کوہلی کی واپسی سے قبل سلیکٹرز سے مشاورت کے بعد کیا گیا تھا۔
انہوں نے بتایا کہ ٹی ٹوئنٹی کے لیے ٹیم کے ہیڈ کوچ راہول ڈریوڈ ہوں گے۔واضح رہے کہ جے شاہ نے یہ اعلان گزشتہ روز نرنجن شاہ اسٹیڈیم میں ہونے والی تقریب کے دوران کیا۔
